Skrifstofuh�tel - Fr�ttir

�beislu� fegur� s�nd � �safjar�arb��i

Tue, 23 Oct 2007 11:06:00 +0000

Heimildarmyndin um Óbeislaða Fegurð verður sýnd í Ísafjarðarbíói núna í lok október. Sýningar á myndinni sem er 56 mín löng verða tvær. Hrafnhildur Gunnarsdóttir leikstjóri myndarinnar verður viðstödd frumsýninguna og mun hún spjalla við kvikmyndagesti og svara fyrirspurnum eftir myndina.

Föstudaginn 26. október kl. 21:00
Sunnudaginn 28. október kl. 17:00
Miðaverð er kr. 1000

Allur ágóði af sýningunum rennur til Sólstafa og er það von skipuleggenda að sjá sem flesta. Myndin hefur fegnið góða dóma og er mjög skemmtileg. Fjallað var um hana í Kastljósi 8. október og í þættinum 07/08 á RÚV. Viðtalið við Hrafnhildi er aðgengilegt á vef Þorsteins Joð .

Forsala aðgöngumiða hefst miðvikudaginn 24.oktober 2007 á Langa Manga og í verslun Office One á Ísafirði. Einnig er hægt að senda póst á netfangið m@snerpa.is.

Frums�ning 5. okt 2007

Wed, 26 Sep 2007 08:43:00 +0000

Heimildarmyndin um óbeislaða fegurð verður frumsýnd þann 5. október á Reykjavík Film Festival. Heimildarmyndina gerðu þær Hrafnhildur Gunnarsdóttir og Tina Naccache og verður hún sýnd í Regnboganum

Sýningar verða þrjár:
Föstudagskvöldið 5. október kl. 20:00 - frumsýning
Laugardagskvöldið 6. október kl. 22:00
Sunnudagskvöldið 7. október kl. 16:00
Miðasala er hafin á miði.is og hvetjum við alla áhugasama að tryggja sér miða tímanlega.

Stór hluti óbeislaða hópsins mun mæta á "rauða dregilinn" þann 5. okt.

Fj�gruhundru� n�u t�u og sj� ��sund kr�nur

Sat, 05 May 2007 20:12:00 +0000

Keppendur og skipuleggendur Óbeislaðrar Fegurðar hittust á kaffihúsinu Langa Manga í dag til að afhenda fulltrúum Sólstafa ágóðann af Óbeislaðri Fegurð. Okkur tókst að safna 497.000. kr. Sú tala er nálægt því markmiði sem við settum okkur í upphafi. Við getum þakkað keppendum, bæjarbúum og fyrirtækjunum hér á svæðinu fyrir að svona vel tókst til. Það er okkur mikill heiður og ánægja að geta lagt Sólstöfum lið því mikið starf er óunnið hjá þessum hetjum sem standa að Sólstöfum.

Við hefðum ekki getað haldið þessa uppákomu án skilnings og velvilja fyrirtækanna hér á svæðinu. Að ekki sé minnst á alla þá einstaklinga sem gáfu vinnu sína.

Sparisjóður Vestfirðinga, Síminn, Gullauga, Húsasmiðjan, VÍS, Hafnarbúðin og KNH gáfu Óbeislaðri Fegurð pening til að standa straum af kostnaði því takmark okkar var jú að geta afhent Sólstöfum myndarlega upphæð. Þar að auki gaf V-Dagurinn á Íslandi Sólstöfum peningagjöf.

Önnur fyrirtæki gáfu okkur þarfa hluti því að mörgu er að gæta við skipulagningu á svona viðburði. Redda þurfti húsnæði , veislustjóra, koma upp heimasíðu, útvega mat og kokk, fá dómara og starfsfólk. Snerpa gaf heimasiður, 3X Tecnologi gaf Sólstöfum tvær flugferðir til og frá Reykjavík, Lífeyrissjóður Vestfirðinga borgaði flugfar fyrir einn dómarann sem Hótel Ísafjörður hýsti. Flugfélagi Íslands flutti veislustjórnn báðar leiðir, H. V Umboðsverslun gaf kartöflur og annað til matargerðar, Emmess ís gaf eftirréttinn, Bakarinn gaf brauð með matnum, Langi Mangi sá um vínveitingarnar og var fundarstaður ÓB hópsins. H Prent prentaði götuauglýsingarnar, Vífilfell gaf fordrykk, Jón og Gunna og Hafnarbúðin sáu keppendum fyrir fötum á tískusýningu, Blómaturninn gaf rósir og Efnalaugin Albert gaf leigu á glösum. Það munar um minna.

Við lögðum mikla áherslu á að keppendur fengju veglega vinninga og voru þeir ýmist hefðbundnir eða skrítnir og skemmtilegir. Ber þá fyrst að nefna Ferðaþjónustuna Reykjanes sem gaf handhafa Óbeislaðrar Fegurðar 2007 tvær gistinætur fyrir tvo í Reykjanesi. En vinningshafinn Ásta Dóra vildi frekar fá gistingu í Reykjanesi en utanlandsferð. Diva, Ametyst, Lyfja, Konur og Menn og Hárkompaní gáfu vinninga með ýmsum kremum og snyrtidóti til að keppendur geti áfram tekið þátt í útlitskapphlaupinu og Naglagerð Betu gaf 10 neglur úr plati í sama tilgangi. Til að næra sálina og slappa af gáfu Hótel Hellisandur, Við Fjörðinn og Veggisting gistinætur og Vesturferðir gáfu ferð í Vigur. KNH gaf dag með bílstjóra að eigin vali og Michelin dekk Sr. Valdimar Hreiðarsson gaf blessun og Nudd og Ráðgjafasetrið gaf nudd. Við gleymdum ekki að hugsa um næringu líkamans. Nói Sirius og Góa gáfu veglegar gjafakörfur með súkkulaði og öðru sælgæti. Gjafafbréf frá Hamraborg, gjafakarfa full af sykri frá Natan og Olsen. Holustufæðið var líka í boði en Íslandssaga gaf fisk. Allir vita að okkur líður vel að eiga ýmiskonar dótarí og BT, Netheimar, Rammagerðin, Efnalaugin Albert, Penninn og Esso Birkir gáfu ýmsa eigulega hluti. Suma vinningana er erfitt að flokka. Barði Önundarson gaf mokstur á bílastæði, Málingarbúðin Ísafirði gaf 10 lítra af málingu og Hjólbarðaverkstæði Ísafjarðar gaf umfelgun.

Sérstakar þakkir fá allir þeir sem gáfu vinnu sína eða hjálpuðu okkur á einn eða annan hátt.
Halldór Jónsson fyrir frábæra veislustjórn. Magnús Hauksson eldaði óbeislaða súpu. Jóhann Daníelsson lýsti upp sviðið af ótrúlegri nákvæmni og alúð. Ársæll Níelsson fær þakkir fyrir ógleymanlegan flutning á einleiknum Fyrirsætunni eftir Benoní Ægisson. Elísabet Markúsdóttir fyrir uppistandið Kíló. Birgitta Baldursdóttir hjálpaði okkur að snara fréttunum yfir á ensku. Marta, Kristín, Dominika, Remy og Hildur hjálpuðu okkur við að bera fram súpuna og fordrykkinn. Kristrún og Berglind hjá Divu sáu um að snyrta þá keppendur sem vildu, Húsasmiðjan gaf okkur borðskraut og Sunneva hjá Hárkopmaní greiddi keppendum. Birgir Halldórsson tók myndina frábæru sem hefur verið andlit keppninnar. Hrafnhildur í Krummafilm fær sérstakar þakkir fyrir að elta okkur með myndavélina og Tina Naccche fyrir hlust a á BBC World við uppvaskið heima í Beirút og drífa sig til Íslands til að skrásetja viðburðinn. Heimildarmyndainnar er beðið með eftirvæntingu. Bestu þakkir fá Jói "bróðir" Jónsson í Digi Film og Hafþór Víkari Gunnarsson Leóssonar fyrir kvikmyndatöku. Ágúst Atlason fyrir að taka frábærar og óbeislaðar myndir af keppendum og vinnu við heimasíðu keppninnar ásamt Baldri Hólmgeirssyni. Nokkrir félagar úr Karlakórnum Erni og kvennakórinn Valkyrjurnar tóku nokkur lög við góðar undirtektir viðstaddra. Ekki má gleyma dómurunum, Barða Önundarsyni, Þórey Vilhjálmsdóttur, Erlingi Sigtryggssyni, Björk Ingadóttur og Jóni Guðna Guðmundssyni, sem komu víða að og gáfu keppni þessari virðulegt yfirbragð og trúverðugleika. Þeim fjölmiðlum sem fjölluðu um keppnina þökkum við athyglina en Tinna Ólafs hjá bb.is fær þakkir fyrir að taka að sér að vera fréttaritari BBC. Keppndunum færum við að sjálfsögðu bestu þakkir því án þeirra hefði ekkert orðið úr neinu.
Að lokum viljum við færa vinnustöðum okkar Snerpu, Verk Vest, Sjörnubílum, Ametyst, Langa Manga og starfsmönnum þeirra sérstakar þakkir, fyrir endalausa þolinmæði og reddingar þegar óbeilsaði hópuinn þurfti að sinna öðrum og mikilvægari málum en vinnuni sinni. Börn okkar og fjölskyldur biðjum við afsökunar á vanrækslunni og fálætinu, en það er nú einu sinni þannig að fólk þarf stundum að skreppa frá til að bjarga heiminum.

Myndir

Mon, 23 Apr 2007 15:02:00 +0000

Ágúst Atlason var á staðnum og tók nokkrar myndir eins og hér má sjá.

�sta D�ra �beislu� Fegur� 2007

Thu, 19 Apr 2007 10:38:00 +0000

Ásta Dóra Egilsdóttir hlaut í gærkvöldi tiltilinn Óbeisluð fegurð 2007. Úr vöndu var að ráða og eins og okkur skipuleggendunum hafði grunað reyndist dómurunum ómögulegt að velja einn úr hópnum. Það sannaðist í gær að fegurð er afstæð og persónuleg upplifun hvers og eins, var því gripið til þess ráðs að draga um titilinn. Aðra titla völdu dómarar eftir smekk og tilfinningu en fóru þó út fyrir keppendahópinn og í raðir skipuleggenda í einu tilfelli.

Ásta Dóra Egilsdóttir Óbeisluð Fegurð 2007
Ásta Dóra Egilsdsóttir Persónuleiki Íslands 2007
María Dögg Þrastardóttir Útlendingur 2007
Rudolph Stephensen Orginal 2007
Ólöf Hildur Gísladóttir Töltari 2007
Kristín Þórisdóttir Kjarkur 2007
Ásthildur Cesil Þórðardóttir Áran 2007
Oddur Elíasson Náttúra 2007
Andrew Specker Funi 2007
Nikkolina Þorvaldsdóttir Netálit 2007
Ásta Dóra Egilsdóttir Uppáhalds 2007
Matthildur Helgadóttir Michelin 2007
Örnólfur Örnólfsson Hr. Nói 2007
Thelma Hjaltadóttir Fr. Góa 2007
Kristinn Örri Hjaltason Póstkort 2007
Soffía Ingimarsdóttir Meikdolla 2007
Andrew Specker Vinur 2007
Oddur Elíasson Dansukker 2007

Nafnb�tur keppenda

Mon, 16 Apr 2007 18:36:00 +0000

Aðal tiltill og æðsti draumur hvers keppenda er að verða útnefnd eða útnefndur
Óbeisluð fegurð 2007.
Þeir sem ekki hljóta þann heiður þurfa þó ekki að örvænta því margir skemmtilegir og virðingarveriðr titlar eru í pottinum.
Sá keppandi sem hefur sterkasta persónuleikann fær tiltilinn Persónuleiki Íslands 2007
Útlendingur 2007 verður að vera útlendingur eða hafa sérstök tengsl við útlönd eða útlendinga.
Titilinn Orginal 2007 hlýtur upprunalegasti keppandinn.
Sá keppandi sem þykir hafa mesta þorið eða hafa bætt sitt þor verulega fær nafnbótina Kjarkur 2007
Áran 2007 er sérstakur tiltill sem nornin mun velja fyrir bestu áruna.
Sætasti keppandinn fær nafnbótina Dansukker 2007.
Náttúra 2007 Hefð er fyrir því að keppendur í keppnum sem þessari hafi dálæti á umhverfisvernd.
Heitasti keppandinn verður Funi 2007
Valin verður besta athugasemdin við keppendur á netinu Netálit 2007
Uppáhalds 2007 Áhorfendur í sal munu velja þennan keppanda
Árhringir, varadekk og hverskonar hrukkur verða hafðar til hliðsjónar við val á Michelin 2007
Hr. Nói 2007 Mesti sælkeri karla
Fr. Góa 2007 Mesti sælkeri kvenna
Sá keppandi sem þykir myndast best hlýtur nafnbótina Póstkort 2007 enda póstkorthæfur.
Litríkasti keppandinn og sá sem þykir líklegastur til að slá í gegn verður Meikdolla 2007
Dómarar munu gefa gaum að fótaburði og reisn þegar Töltari 2007 verður valinn.
Keppendur munu sjálfir gefa nafnbótina Vinur 2007

Hvetji� ykkar keppendur.

Fri, 13 Apr 2007 18:05:00 +0000

Hér á vefnum er hægt að skrifa athugasemdir við hvern og einn af keppendunum . Endilega skrifið skemmtilegar og jákvæðar athugasemdir til að hvetja þá. Þeim keppanda sem fær frumlegustu og bestu athugasemdina verða veitt sérstök verðlaun.

Skoðið myndir af keppendunum hér.

Keppnin um �beisla�a fegur�

Thu, 12 Apr 2007 19:01:00 +0000

Óbeisluð fegurð

í félagsheimilinu Hnífsdal

miðvikudagskvöldið 18. apríl

(síðasta vetrardag)

Húsið opnar kl. 19:30

Kvöldverður, skemmtun, keppni og dansleikur

Miðaverð kr. 3.800

Miðapantanr í síma 895 7170 milli kl. 08:00 - 24:00

og 847 3436 milli kl. 12:00 - 18:00

eða á untamed@untamedbeauty.org

Veislustjóri: Halldór Jónsson

Skemmtiatriði: Einleikur (Ársæll Níelsson)

Söngur, grín og gaman.

Opnað fyrir almennan dansleik kl. 24:00

Hljómsveit Guðmundar Hjaltasonar og nágranna.

Allur ágóði rennur til Sólstafa Vestfjarða

Keppendur kynntir � dag

Thu, 12 Apr 2007 11:38:00 +0000

Keppendur og aðstandendur Óbeislaðrar Fegurðar hittust í Öldunni í gær. Þar ríkti óbeisluð gleði og keppendur voru spurðir um sín áhugamál og drauma auk þess sem Ágúst Atlason smellti af þeim nokkrum myndum. Í dag munum við setja inn myndir og upplýsingar um hvern og einn keppanda á síðuna. Fylgist með því sjón er sögu ríkari.

D�mararnir

Wed, 11 Apr 2007 22:39:00 +0000

Dómararnir í keppninni verða fimm talsins og bíður þeirra það erfiða verkefni að dæma um fegurð.

Barði Önundarson bóndi á Hafrafelli á Barðaströnd er þekktur gröfukarl og goðsögn á Vestfjörðum. Reynsla hans og áralöng þjáfun við gröft í óbeislaðri náttúru Vestfjarða mun koma sér vel þegar gafið verður eftir hinni einu sönnu óbeisluðu fegurð.

Björk Ingadóttir er móðir og norn í Hnífsdal. Björk hefur stundað Höfuðbeina og spjaldhryggsmeðferð, árulestur og annað kukl á vestfjörðinum í áraraðir. Reynsla hennar og þekking á öðrum tilvistarsviðum mun reynast henni vel við skoðun á innri manni keppenda.

Jón Guðni Guðmundsson frá Bolungarvík er þekktur hrossaræktandi og dómari. Reynsla hans og þjálfun í hestamennskunni mun reynast honum vel í að meta byggingu og geðslag keppenda. Hann hefur einnig reynt fyrir sér í kvikmyndaleik og fór með eitt þýðingarmikið hlutverk í heimildaþáttaröðinni Rætur sem frumsýnd verður á næstunni.

Þórey Vilhjálmsdóttir er viðskiptafræðingur í Reykjavík og formarður V dagsins á Íslandi. Þórey hefur komið víða við meðal annars var hún ein af stofnendum fegurðarsamkeppninnar ungfruisland.is Reynsla hennar og þekking á fegrunar iðnaðinum mun nýtast henni til að meta sanna náttúrulega og óbeislaða fegurð keppenda.

Erlingur Sigtryggsson Cand. Jur. er opinber starfsmaður á Ísafirði. Hann mikill áhugamaður um tónlist og mun þekking hans og tilfinning fyrir hinum fínni blæbrigðum tónlistarinnar nýtast honum í því að meta takt keppenda.